Deborah Alexander, Coordinadora di Center for Lifelong Learning
ORANJESTAD (AAN): Deborah Alexander, Coordinadora di Center for Lifelong Learning (CLL) na Universidad di Aruba, ta papia di e actividad den aula relaciona cu Dia di Hende Muher.
El a splica cu por bisa cu awendia tin diferente reto cu hende muher ta confronta y por menciona c'un di nan ta acceso na tecnologia.
Alexander a sigui bisa cu tecnologia ta facilita violencia di genero, pero tambe ta laga hende muher atras. Tin hende grandi cu no tin acceso na tecnologia y te hasta nan informacionnan personal ya cu nan no sa con pa tin acceso na cierto aplicacionnan.
Por menciona tambe cu hopi hende muher no tin acceso na nan propio placa pa via di falta di acceso na tecnologia, a splica.
Pesey, a remarca, tin un responsabilidad den comunidad pa facilita y educa, pero tambe uni. Esey tabata e meta di e actividad cu tabata tin lugar na Universidad di Aruba hunto cu gobierno di Aruba pa asina empodera hende muher.
