ORANJESTAD (AAN): Un di e weganan popular di Lotto keto bay ta Zodiac. Aki bo ta escoge number consistiendo di cuatro cifra,
y bo ta agrega un signo zodiacal, y ya bo ta den wega. Tin opcion pa bo cumpra bo number mesora cu tur 12 signo tambe, pa engrandece bo chens.
Siman pasa, pa di tantisimo vez Kevin a presenta na oficina di Lotto na Playa pa busca su premio di Zodiac. E ta pensa tur sorto di combinacion di number y ta logra gana Zodiac hopi biaha caba.
Diabierna el a entrega su ticket, y ora cu a scan e barcode, e computer a confirma cu lucky Kevin a gana 26.500 Florin cu wega di Zodiac Merdia.
Mesora a cuminza cu e proceso pa transferi e premio electronicamente pa su cuenta di banco. Kevin a cumpra e ticket ganador na Bo Skina di Suerte na Noord.
