Presidente di Sindicato STA:
*E ta pusha solamente e parti mas abao di e mercado
ORANJESTAD (AAN): Hose Figaroa, Presidente di Sindicato FTA ta di opinion cu tanten cu tin un 'gap' entre e minimo di subsistencia (bestaansminimum) y e salario minimo semper ta bay tin motibo pa e subi. Un salario minimo, e mester ta lo menos cu bo mester pa por sobrebibi di dje.
Segun Figaroa, na e momentonan aki ta papiando di un minimo di subsistencia di mas o menos 2500 florin y un salario minimo cu ta algo menos di 1900 florin. Kiermen tin un 'gap' di casi 600 florin entre un ke otro.
Den casonan asina semper un aumento di e salario minimo ta na su lugar. Loke si mester tene cuenta cu ne ta cu un aumento den salario minimo ta yuda solamente esnan cu ta na e salario minimo. Esaki kiermen cu un hende cu ta gana un tiki mas, por ehempel, 2 mil florin, e 2 mil florin ey ta bao di e minimo di subsistencia, pero e ta riba e salario minimo, a bisa.
Un aumento den salario minimo no ta yuda un hende cu ta gana 2 mil florin pa luna net nada. E ta pusha solamente e parti mas abao di e mercado, mas e no ta empuha e resto di e salarionan ariba, Hose Figaroa di Sindicato FTA a indica.
