Ursell Arends: Solucionnan
ORANJESTAD (AAN): Ursell Arends, den su relato, ta elabora riba solucionnan proponi, pa salvaguardia e “One Happy Island” cu nos grandinan a lucha p’e, y cu mester asumi responsabilidad pa cu e futuro generacionnan. Pues, “pa gara e toro na su cacho”.
SOLUCIONNAN:
- Priorisa turismo ‘stayover’ riba bishitantenan crusero: Cambia nos mercadeo drasticamente y e inversion den infrastructura pa ‘longer-stay
travelers’ y asina atrae bishitantenan cu un poder di compra mas halto. Esaki lo duna bek na nos economia ora di kita e bishitantenan crusero cu tin un poder di compra hopi abou. Na su turno, bishitantenan crusero cu un poder di compra hopi halto lo por regresa nos isla pa un periodo mas largo y gasta mas placa pa dia como un bishitante ‘stayover’.
- Limita e cantidad di barco crucero pa dia. Pone un limite fiho diario riba barconan cu ta mara na Aruba. Un plafond estricto.
Menos barco ta nifica menos bishitante riba e mesun dia y menos congestion na
lugarnan tur rond di nos isla, incluyendo nos beachnan. Esaki ta e palanca mas lihe pa hala. Maneho di nos bishitantenan ta locual cu ta keda falta y door di introduci esaki por kita e presion di hopi bishitante na e mesun caminda.
- Impone un impuesto ambiental halto pa cada bishitante crusero.
Pasaheronan crusero na e momentonan aki no ta paga ningun levy/tax ora di drenta Aruba, pero ta esnan cu ta causando e congestion y impacto mas grandi. Hisa e tarifanan di waf significantemente y agrega un impuesto riba sostenibilidad pa cada pasahero crusero. Alaves ‘earmark’ e fondonan aki pa Aruba Conservation Foundation
(ACF) kende ta apunta legalmente pa maneho di areanan protegi na Aruba pa asina e suma wordo uza pa conservacion y regeneracion di nos naturalesa.
- Restringi acceso na areanan sensitivo.
Designa zonanan di protection ecologico y cultural cu excursionnan no por drenta. Proteha rifnan, mangelnan y barionan local for di rutanan di tour masal.
- Plan di ‘phase-down’ a largo plazo
Anuncia un strategia di reduccion gradual pa aña 2028. Duna negoshinan tempo pa adapta mientras ta señala claramente cu Aruba ta tumando un paso drastico den direccion di un modelo di turismo di volumen mas abou (lower volume) y balor halto (high value).
Pero, e compromiso mester ta real. Turismo Crudsero ta sostene trabounan den benta, cu UTV/ATV. Pero si meta di Aruba a largo plazo ta sostenibilidad y mas ainda turismo regenerativo, proteccion di ecosistema y preservacion di calidad di bida, baha volumen y aumenta balor pa bishitante, ta e strategia clasico pa nos crea “Un Aruba Dushi pa Biba ta un Aruba Dushi pa Bishita”.
Mi ta kere cu e realidad aki ta pone cu na Aruba nos tin cu haci un reflexion profundo y nacional riba consecuencianan, posibilidad di diferente scenario y con ta prepara of
evita cada un di nan”, Ursell Arends ta remarca.
