Un Anasa cu cantidad di cabez cosecha na Aruba mes

ORANJESTAD (AAN): E siman aki, DIARIO a ricibi bishita di cortesia di e ciudadano Johan Frederick Lioe-A-Tjam, un ciudadano di edad respeta.

   Señora Lioe-A-Tjam a splica cu na su cas, e tin plantacion di Anasa.  Cu placer y orguyo e ta mira con nan ta nace, y despues con nan ta produci e fruta.

   Pero e biaha aki, entre nan tur tabatin un Anasa cu a crece tiki diferente cu e otronan.  El a bin nota cu e Anasa aki a haya loke nan ta bisa, “cantidad di cabez”.

   El a haye asina peculiar y interesante, te cu el a dicidi na trece esaki na DIARIO pa asina pueblo por mira e clase aparte di Anasa cu el a ricibi.

   Segun señor Lioe-A-Tjam, ademas di planta Anasa na su cas, el a planta y produci Yuca tambe.  E ta sinti su mes feliz haciendo e trabao di planta y cosecha, y e ta desea pa mas hende na Aruba haci esaki.

   Riba e potret por mira e Anasa cu cantidad di cabez cu el a cosecha recien.  E ta un pida fruta basta grandi, porcierto.