Ultimo siman pa inscribi na e workshop nan nobo na Ateliers’89 Punto Di Beyas Arte Aruba

ORANJESTAD (AAN): Ateliers’89 Punto Di Beyas Arte Aruba a anuncia cu esaki ta ultimo siman pa inscribi pa e workshop nobo di pintura y animacion di video/pelicula.

Cuminsando dialuna 10 di januari di 6:30 pa 9:30pm. di dialuna pa diahuebs. Edad ta 12 aña pariba. E dos diferente workshop lo wordo duna pa dos artista maestro fantastico.

-Pintura y Animacion di video/pelicula

For di Brazil ta bini pa e workshop di pintura e famosisimo Dora Longo Bahia y pa e workshop di animacion ta bin for di Amsterdam, Hulanda e no menos conoci artista maestro Christopher Tym.

E workshop kier tambe desafia e participante nan pa nan pensa ariba e impacto cu nan pintura tin den nan bida diario

Na mes un tempo, Christopher Tym ta bin tambe hunto cu Dora na Atelier'89 pa un no menos fascinante workshop di animacion di video/pelicula. Den e workshop aki lo traha hunto pa realiza un pelicula completo di animacion, cu e tecnica cu ta wordo yama "rotoscopia", e tecnica di overtrek di un video pa crea caracternan realistico y crea asina movimento corporal.