ORANJESTAD (AAN): Otro siman diamars Olive Garden ta habri su portanan oficialmente na Aruba.
E cadena di restaurant Italiano mas grandi na Merca ta habri su prome restaurant na Aruba. Esaki ta sosode den e compleho Gloria.
Riba e potret por mira Eddie de Veer, CEO di MetaCorp Aruba, hibando palabra na e 80 empleadonan cu a haya trabao na Olive Garden.
Nan ta hayando asistencia y guia di profesionalnan di Olive Garden, pa garantisa cu na Aruba e menu ta mesun bon y e servicio ta sobrepasa expectativa di publico. Parce cu e interior ta esun di mas moderno di e famia di Olive Garden, cu opcion pa sinta paden of pafo.
Pueblo di Aruba ta ansioso pa por disfruta di e famoso breadsticks, lasagna, nan surtido di sopi, salada y tur otro faboritonan riba e menu mundialmente conoci. Di awo caba nos ta yama Olive Garden bonbini na Aruba y danki MetaCorp pa sigui inverti den economia.
