Turista Mericano a bira malo y a fayece na Boca Catalina

El a yega Aruba diasabra cu su casa pa vakantie

ORANJESTAD (AAN):  Un noticia lamentabel a drenta Dialuna. Ta asina cu  merdia un biaha mas e area aki na Boca Catalina a bira scenario di un momento tragico pa un turista cu a fayece.

            Dialuna merdia pasa di 2'or polis y dos ambulance a keda yama pa bay Boca Catalina. Un biaha mas eynan a bin confronta cu un caso tristo di un dama turista di 67 aña cu no tabata reacciona. A sigui protocol di dun'e CPR, pero tabata envano.

            Na e sitio por a compronde for di vocero policial cu e dama Mericano lo a bay snorkel hunto cu su casa. Durante cu nan tabata den lama e señora a bisa su casa cu e tin problema pa hala rosea.

            Mesora e casa a actua y a tene bin aden cu ne, unda cu e lo a cuminsa saca. Di eynan el a perde conocimento y a fayece.

            Dokter Texier a yega e sitio pa constata morto di e señora Mericano di 67 aña di edad cu a yega Aruba diasabra cu su casa pa vakantie.