Turista Jackie semper a adora beachnan di Aruba y awor a fayece

ORANJESTAD (AAN): E tabata bisa trahadornan di Hotel na Aruba, y na su cas na estado di New York tambe e ta ripiti mesun cos! 

Cu e gusta bin Aruba, simplemente pasobra e ta adora e playanan di e isla.

   Pero informe recien for di ciudad di Queensbury na New York, ta indica cu Jacqueline ‘Jackie’ Marie a fayece cu 76 aña di edad, despues di un lucha cortico pero yen curashi contra Covid-19 y Pulmonia.

   El a nace na Saratoga county na New York, y a casa cu e amor di su bida Ronald Trackey.  Nan a pasa 57 aña hunto, y nan union construi riba amor, felicidad, y amistad tabata un di e berdadero logro di su bida.  E tabata bisa tur hende cu Ronald ta su soul mate.

   Pa 30 aña largo, Jackie tabata un Property Manager na e Club na Lac de Ville na Rochester (New York).  Via di su carisma y trabao duro, el a haya respet, admiracion, y amistad cu tur su coleganan y e habitantenan di e residencia tambe.

   Pafo di trabao, Jackie su curazon ta hopi mas contento ora cu e ta rondona pa famia, amigonan, pa goza e beyeza di naturaleza.  E tabata super contento ora di bay cu vakantie cu su famia y amaigonan, y nan ta bin Aruba.  E tabata bisa tur hende cu e ta adora beachnan di Aruba, unda e ta pasa momentonan trankil y crea memorianan inolvidabel.  Por mira un potret di dje cu su casa Ronald na Aruba.

   El a fayece lagando su casa y dos yiu.  Su entiero a tuma lugar Diabierna 18 di October na un Misa na Queensbury.