ORANJESTAD (AAN): Riba Diamars, un turista cu tabata gusta bishita Aruba pa su vakantie, y pasa simannan largo cu su primanan aki, esta Barbara Jean Slick,
a fayece na Woodsboro, Maryland na Merca. El a perde un bataya yen corahe contra cancer.
Barbara tabatin 60 aña di edad, y a bay laga su pareha Austin Gorsuch kende e conoce pa 27 aña caba.
Segun famianan, Barbara tabata gusta e placernan di mas simple den bida, y uno di nan tabata pa viaha pa Aruba pa pasa vakantie cu su primanan. E gusta e vakantie di beach aki, pa ta mey-mey di su famia.
Barbara tabata un trahador duro cu semper ta dispuesto pa yuda kende cu ta. E tabatin un personalidad caluroso y amoroso, cu un sonrisa contagioso. E tabata trahando pa 19 aña caba cu e compania Frederick Trading, y despues a traha cu BioWhittaker. Ultimo e tabata trahando pa Leidos na Frederick, Maryland.
E mes no tin yiu, pero tin ruman muher y ruman homber, y cantidad di prima cu e tabata goza di nan ora di bin pasa vakantie na Aruba.
Su entiero lo ta Diasabra 21 di Augustus venidero.
