ORANJESTAD (AAN): E tabata bisa semper, cu su lugar favorito pa vakantie ta Aruba. Sinembargo na comienzo di e luna aki, Thomas George Cresswell di 92 aña di Lancaster, Pennsylvania a fayece.
Despues di a gradua di Pottsville High School, Thomas a sirbi cu tur honor como un Sargento di Ehercito pa Merca den e Guera di Korea. Despues cu el a regresa cas, el a traha como manager na Black & Decker Inc. pa 32 aña, y despues na e compania DANA Inc. como un mecanico di mantenimento pa 10 aña, te ora cu el a bay cu pensiun na 1995.
E tabata un fanatico grandi di Phillies y tambe Eagles, y a atende e Serie Mundial di 2008. E ta gusta tambe deporte di motor. E tabata un miembro di American Legion y tambe Iglesia Lutherano.
Su vakantie preferi ta pa Aruba, como tambe Branson (Missouri), y Nashville (Tennessee). E mes tin un Cas di Vacantie na beach di Lewes, na Delaware.
El a fayece lagando atras un yiu homber y un yiu muher, un ruman muher, y tres nieto.
Su entiero a tuma lugar Diamars 17 di Augustus 2021 cu tur Honor Militar na Fort Indiantown Gap National Cemetery.
