Tur toilet di Dominicus College a keda bunita danki na Aruba Doet

ORANJESTAD (AAN): Siman lo habri cu alumnonan di scol basico Dominicus College na Playa,

contento di bay tira un bista con nan scol a keda despues di un weekend di boluntarismo danki na Aruba Doet 2022.

   Algo cu lo bay hala atencion, ta pa mira con hopi motivacion nan lo haya ora di bay den baño pa mira con tur porta paden di toiletnan a wordo cambia.  E ultimo biaha cu e portanan aki a ser cambia tabata na 2012.

   Pesey a pone man na obra pa cambia tur, tanto di toiletnan di mucha homber, y esnan di mucha muher.  Y pa haci nan bira cu mas motivacion, a pone texto positivo riba cada porta.

   E resultado ta fenomenal.  Docentenan di scol cu ya caba a mira esaki, a keda hopi feliz cu e bon trabao haci.  Di awor caba ta pensa cu e alumnonan tambe lo bay encanta esaki.  Potretnan cortesia Social Media di Dominicus College.