ORANJESTAD (AAN): DVG y Crisis Team a informa cu entrante 14 di Januari 2022 e edad pa ricibi e "booster shot" ta wordo reduci na 18 aña bay ariba.
Esnan cu ta bin na remarca pa haya e booster shot ta personanan cu a haya e di dos vacuna di Covid mas di 3 luna pasa. Mester remarca cu un persona no por haya e booster shot si nan a test positivo pa Covid menos cu 3 luna pasa.
DVG ta indica cu tur vacuna, incluyendo e "booster," ta wordo duna na Centro Libertador Betico Croes na Santa Cruz. E orario di vacunacion ta di 8'or di mainta pa 3'or di atardi 'non-stop' di dialuna pa diabierna y por walk-in, kiermen no mester haci un cita pa haya e vacuna of e booster.
