AZV a confirma
ORANJESTAD (AAN): Siman pasa DIARIO a publica riba e preocupacion di varios pashent di area di Paradera, como cu nan a bin nota cu nan docter, esta Dr. Wijngaarde no tey mas.
AZV a confirma esey awor. Nan a mustra cu e contract entre AZV y docter di cas C. Wijngaarde-De Vries a worde termina. Pa continuidad di cuido, OE AZV ta haci un traspaso automatico pa Cas di docter HOH na Caya Puntra Brabo 13, telefon 5274940.
Aseguradonan no tin nodi haci nada, e traspaso ta worde haci automatico. Ta pidi e aseguradonan pa porfabor duna oportunidad na Cas di dokter HOH pa asisti bo.
Solamente den caso cu no ta di acuerdo cu e traspaso automatico aki, e ora por cambia di dokter di cas den luna di september conforme proceso vigente, esta cu e asegurado mes ta acerca e dokter di cas di su interes pa pidi pa un aprobacion, esta un firma di docter.
