Tur hunto mester bay “man na obra” pa excava Santana di Cacho y pone borchi cu no por dera bestia mas eynan

Errol de Freitas, director di SNBA:

ORANJESTAD (AAN) – Na cuminzamento di aña, e presidente di SNBA, Errol de Freitas, a reuni cu Departamento di Medio Ambiente y a papia tocante proteccion di mangrove, pero segun de Freitas ningun hende ta papia tocante kico ta pasando den Santana di Cacho.

            De Freitas a splica cu tin un daño den e mangrove eynan, cu mester busca manera pa alivia esaki. El a saca potret den e fin di siman aki, unda por mira full e parti pariba. De Freitas a comenta cu tempo di Lago cu tabata forma parti di e Comunidad di Colony tabata tin un Santana di Cacho, cu tabata algo bunita. Pero aworaki e ta yegando riba e beach, tapando full e costa y ta yegando te na pia di Seroe Colorado y tin un par di borchi cu mester yega pa indica cu no por dera mascota eynan mas.

            SNBA a sugeri gobierno, un par di aña pasa, pa bin cu un forza comun; algo cu ta representa e mascotanan stima.

            De Freitas a menciona cu e mes tin dos mascota dera eynan y e ta preparando e siman aki pa bay excava nan, y e lo mustra con ta bay haci esaki, pasobra mester rindi respet pero den e area ey ora e bestianan dera ta rementa, tur cos ta sali bin riba e santo.

            E ta puntra –“kico comunidad ta proyectando cu esaki?” Y e ta haci un yamada pa inmediatamente ban traha cu esey. Fuera di e hecho cu tin desaroyonan sosodiendo eynan cu ta positivo, pero awo tur hende tin cu bay ‘man na obra’ y planie hunto pa e sosode na e manera cu mester bay.