ORANJESTAD (AAN): E siman aki WEB Aruba NV a cuminza un proyecto pa instalacion di tuberia nobo den un trayecto di 2.7 km na Barcadera y un parti di Parkietenbos.
E compania a splica cu e proyecto ta necesario pa reemplasa e tuberia actual cu a yega su tempo. E tuberia nobo lo ta mas hancho compara cu
esun existente, pa asina por optimalisa e suministro y presion di awa pa e barionan menciona.
Habitantenan y traficantenan den e area lo por sinti molester di stof y ruido a consecuencia di e trabaonan. E trabaonan ta tuma lugar di dialuna pa diabierna di 7:00 am te cu 4:00 pm.
Automobilistanan lo nota avisonan canto di caminda pa baha velocidad y pa contribui na seguridad di trahadonan canto di caminda. E proyecto ta planea pa finalisa na October 2023. Di antemano nos ta gradici pa e cooperacion y comprension di automobilistanan y habitantenan pa cu e proyecto aki.
