DIARIO a entrega e prueba cu e conoce Pueblo votador di Merca
*Biden y Harris a faya den identificacion di prioridad Mericano
*E formula di Biden pa uni raza y sexo a bira e fayo electoral
ORANJESTAD (AAN) — Pa comprende e ansianan di un Pueblo cu ta bini sigur dilanti na momentonan di eleccion, mester bay na e profundidad di e caracter di un Pueblo cu na Merca ta manifesta su mes como America the Great.
Tin un motibo cu e poblacion di Merca ta considera su mes como e Pueblo di hende cu curashi cu no ta hala atras pa advertisidad, pero a bira dirigente mundial cu awe mester duna prueba na mundo liber, cu su creencianan ta produci felicidad y bienestar di hende.
Ora bolbe den historia di entrada di Joe Biden como presidente Americano, ta topa cu e Biden cu tabata e Vice Presidente di Barack Obama e Presidente Mericano cu a ricibi aplauso mundial.
Pakico Obama tabata un exito? Pasobra e tabata representa e prome Presidente Americano di raza mezcla?
Ta hustamente pasobra Obama no tabata raza ni sexo pero simplemente un hende capaz cu na e momento historico oportuno a bini dilanti, el a sabi di uni e Pueblo Mericano, cu a haci Merca su cas.
Merca a nace for di migracion pero Merca a produci un Pueblo cu a uni den e Pueblo cu mester a soluciona tur problema cu ta separa hende pa bira poder mundial.\
Durante Segundo Guera Mundial, tabata e participacion di Merca cu a yuda pone un fin na e horor.
Manera DIARIO, cu conoce e produndida di e Pueblo Mericano na tur parti di e pais a splica, Kamala Harris mescos cu Biden, no a representa e forza Mericano, cu awe Trump ta entrega cu e simpel palabranan America The Great.
Trump a mishi cu e alma di e Mericano, cu ta lucha contra adversidad pa na pia di Statue of Liberty splica mundo, cu por trece tur hende den problema na mundo, tal cu nan por ta parti di e Pueblo cu a forma su mes di tur raza entre dos oceano.
Kamala Harris, manera Biden mes a bisa ora el a presenta Harris como “woman of color” como Vice Presidente keda sombra di Biden cu no pa motibo di su edad pero pa su falta di un personalidad unico, a kita for di Merca e pensamento mundial cu America ta e “pais great”.
Un epoca nobo ta anuncia su mes na e mercado turistico mas importante di Aruba cu por conta cu un economia Mericano cu lo wordo amplia y cu un pais cu lo bolbe na su base di America the Great tanto na Merca mes como dilanti costa di Aruba, den Caribe y sigur como turista na Aruba.
