Parlamentario Misha Raymond:
ORANJESTAD (AAN) – Misha Raymond, Parlamentario di fraccion di RAIZ, den un entrevista el a opina tocante Dia Internacional di Hende Muher y con e ta mira su participacion, por ehemplo den Parlamento di Aruba.
El a conta cu algun tempo atras, el a duna un presentacion na un conferencia na San Diego, unda un abogado di Merca a puntr’e con e situacion ta na Aruba, con Parlamento ta hinca den otro, cuanto hende muher tin den dje.
Parlamentario Raymond a contesta e pregunta bisando cu por lo menos 38% di Parlamento di Aruba ta hende muher. Misha a subraya cu esaki ta algo significante, pero e lo a desea cu e lo tabata un tiki mas representacion.
“Pero ta importante pa den tur nivel Aruba tin hende muher representa. Den Parlamento ta 38% si e ta bay bira mas mi no sa, si e ta bay bira menos mi ta spera cu no, pero mi ta haya cu nos stem, nos bos, kico nos ta trece cu ne, ta wordo scucha y cu nos ta wak diferente problema ta importante.
Hende muher ta mas emocional, pero cu e emocionnan ey por tuma decisionnan importante”, Misha a remarca.
El a agrega cu riba Dia di Hende Muher, cu e dia aki ta importante pa hende muher foi chikito te grandi. “Boso opinion ta bal, e pasonan cu bo ta tuma, kico bo ta laga atras? Eigenlijk bo ta mire na tur nivel aki na Aruba, no tin un hende homber cu cana bisa ‘mi lo tabata akinan sin un hende muher’ pasobra hende muher ta duna homber bida”, Misha Raymond a señala.
