ORANJESTAD (AAN): Diadomingo dia 25 di October 2026 ta cuminsa un Tridium na honor di San Hudas Thadeo, “E Santo di Speranza”,
Patrono di esnan desespera i di casonan dificil. Esaki lo ta na misa Inmaculada Concepcion Santa Cruz.
Nos ta resa e Santo Rosario na honor di Mama Maria i despues nos ta resa e oracion di TRIDIUM na honor di San Hudas Thadeo.
E Santo Rosario ta cuminsa riba Diadomingo dia 25 di October pa 5.45 p.m. sigui pa un Santo Sacrificio di Misa pa 6.30 p.m. Tambe Dialuna dia 26 di October pa 6.15 p.m. sigui pa un Santo Sacrificio di Misa pa 7.00 p.m. Tambe dia Diamars dia 27 di October pa 6.15 p.m. sigui pa un Santo Sacrificio di Misa pa 7.00 p.m.
Diaranson dia 28 di October lo ta e fiesta di San Hudas Thadeo. Pa 6.15 p.m. lo tin un Rosario na honor di Mama Maria y cantica na honor di San Hudas Thadeo sigui cu Santo Sacrificio di Misa pa 7.00 p.m.
Grupo di Oracion San Hudas Thadeo Santa Cruz ta invita cordialmente tur deboto di Mama Maria i San Hudas Thadeo y pueblo di Aruba en general pa asisti na e Tridium aki. Nos ta resa pa bendicion i paz pa nos Dushi Aruba, pa paz mundial, tur enfermonan, combercion di pecadornan y crecemento di fe.
Ta pidi tur fielnan pa bini cu e buki di nobena pa nos resa y canta for di dje.
