ORANJESTAD (AAN): Awe Diahuebs 22 di Augustus, lo cuminsa un Tridium na honor di nos dushi Niño Hesus di Praga,
y esaki lo bay ta na Pro-Catedral San Francisco na Playa.
Esaki lo tuma lugar pa 6:00 pm, y un invitacion ta bay den nomber di Pastoor di Playa y tambe den nomber di debotonan pa tur hende y specialmente e muchanan pa asisti na e Tridium aki.
Ademas di esey, pa Diadomingo lo celebra Fiesta di Niño Hesus di Praga. Pa medio di esaki, nan kier a invita tur ruman pa asisti na un Santo Sacrificio di Misa na Honor di Niño Hesus di Praga pa 11:00 am, na Pro-Catedral San Francisco na Playa.
Corda riba e tres promesanan di Niño Hesus di Praga:
Lo mi tene piedad di Boso.
Lo mi duna Boso Paz.
Lo mi bendiciona Boso.
