SAN JUAN: Oficialnan di US Coast Guard na Puerto Rico, a confirma cu nan a detene tres venezolano cu tabatin 775 kilo di cocaina den nan poder.
Autoridadnan a mustra cu e venezolanonan awor ta enfrenta un proceso penal den Corte Federal di Merca na Puerto Rico, segun un boletin di US Coast Guard.
E cocaina cu a wordo confisca, y cu tabata dividi den 31 paki, tin un balor cu nan ta calcula di 19 miyon Dollar.
E tripulacion di e US Coast Guard Cutter Donald Horsley, a entrega e droga, y a entrega e tres venezolanonan na autoridadnan federal na Puerto Rico. E speedboat tipo Go-Fast cu e trio tabata moviendo cune riba lama, a wordo detecta door di avion riba Lama Caribe, y a nota cu e ta moviendo na parti zuidoost di Puerto Rico. Asina a manda unidadnan di US Coast Guard, cu a start un persecusion di velocidad halto, y asina a logra para nan, y captura nan.
Aki por mira momento cu US Coast Guard ta bahando e tres detenidonan pa entrega na oficialnan Federal.
