Tres instancia a ricibi donacion di Fundacion Savaneta

ORANJESTAD (AAN): Den fin di siman, durante un ambiente ameno den hofi Yolanda,

Fundacion a haci entrega di donacion di su accion "duna un man na Savaneta."

   Representantenan di Misa Savaneta, Colegio Sagrado Curason y Funari a ricibi e donacion hunto cu team di fundacion y Presidente Norman Thijsen.

   E suma di 12.000 Florin a ser reparti unda Misa a ricibi 6.000 Florin, Funari a haya 3.000 Florin, y Colegio Sagrado Curason a haya 3.000 Florin.

   Fundacion kier gradici tur cu a contribui cu nan donacion y danki na tur voluntario cu a yuda pa haci esaki posibel. Un danki special na Setar cu a set up un call center y wifi special pa fundacion.