ORANJESTAD (AAN): Diadomingo exactamente pa 8:02 di anochi, e tremendo marathon di e 1000 cancionnan di Oldies a finaliza,
despues di un siman largo, presentando cancionnan bunita di añanan 60-70-80, presenta pa Tico Boekhoudt y Joe Hernandes di radio Galactica.
Esaki tabata e regalo pa e oyentenan cu a celebra e dia 30 aniversario di e programa. E idea di The Oldiest ta di Tico B, tempo cu el a regresa di Hulanda y a expresa na Joe su idea y diadomingo a celebra ya 30 aña den aire. Diario ta manda palabra di hopi pabien na Tico B y Joe Hernandes cu e tremendo hazaña aki, cu pa prome biaha ta wordo organiza aki na Aruba.
