Training special pa alumnonan di Colegio Nigel Matthew prepara pa examen

ORANJESTAD (AAN): E idea di scolnan pa organiza “training” pa examen cu ta na caminda, ta sigui wordo usa na diferente nivel awor na Aruba.

   E ta un chens pa e alumnonan pasa den momentonan comosifuera nan ta den nan examen final, pa asina trata na enfoca riba nan tecnica, strategianan di estudio, y habilidad pa duna contesta.

   Na Colegio Nigel Matthew na San Nicolas tambe, e entrenamentonan aki pa examen ta andando den full swing.  Awor cu ta fin di April, ta e momento perfecto pa prepara pa Examen Central cu ta yegando pa HAVO.

   Manera ta conoci, otro siman dianan 29 y 30 di April no tin scol, y dia 1 di Mei tambe lo no tin scol.

   E speransa ta cu alumnonan lo sigui haci nan best pa e Examen Central final cu ta bay start dia 13 di Mei venidero.