Trahe Nacional di Miss Aruba ta e “Diosa di Lama”

ORANJESTAD (AAN): Den fin di siman, Miss Aruba Universe 2021, esta Helen Hernandez a presenta oficialmente e Trahe Nacional cu e ta bay

competi cune na e certamen di Miss Universe 2021 cu lo tuma lugar riba Diadomingo dia 16 di Mei 2021 na Seminole Hard Rock Hotel & Casino na Hollywood, Florida.

   Helen Hernandez su Trahe Nacional ta carga e nomber “Goddess of the Sea”, y ta refleha e.o. e momento cu olanan ta dal contra baranca di e isla.  E parti patras di e Trahe ta representa e olanan cu ta dal.

   E Trahe ta simboliza tambe e muhernan fuerte y poderoso di Aruba.  Helen ta representa e producto di Lama, cu ta e poder y energia di olanan cu ta dal riba baranca, y pesey tin e corona riba su cabez, como cu e ta e Diosa di Lama.

   DIARIO a nota cu e trahe ta dorna cu varios piedra cu ta representa e beyeza di beachnan, e cocolishinan, santo, e druppel y bubbles y scuma blanco cu e olanan ta crea riba beach ora cu nan dal contra oriya di lama.

   E diseñador di e Trahe Nacional ta den man di Albertico Sambo, y ehecuta pa Richard.