Guardacosta investigando caso
ORANJESTAD (AAN): Diaranson durante un control rutinario polis a controla un trahador di Guardacosta den su auto priva riba caminda.
Durante e control aki e pasaheronan cu tabata cu ne den auto tambe a ser controla.
Na momento di control e polisnan a constata cu e dos pasaheronan cu tabata den auto hunto cu e trahador di Guardacosta no tabata tin nan documentonan pa estadia legal na Aruba hunto cu nan.
Guardacosta ta un organisacion maritimo policial den e cadena hudicial cu tin integridad di su personal hopi halto.
Pesey Guardacosta lo bay ehecuta un investigacion den e caso aki y den caso cu e personal di Guardacosta ser haya culpabel lo tuma e medidanan necesario.
