ORANJESTAD (AAN): Directora di Stichting Katholiek Onderwijs Aruba (SKOA), Anuesca Baly, a reuni diahuebs cu Formador di Gobierno Evelyn Wever-Croes.
Den un declaracion na prensa, Sra. Baly a indica cu durante un reunion hopi ameno SKOA por a trece dilanti diferente punto di con nan ta wak enseñansa no solamente pa Aruba en general, pero tambe pa SKOA.
Entre e temanan cu a toca tabata tin e parti di e trahadornan di limpiesa, pero tambe di e scolnan cu falta haci trabao di renobacion y cu aworaki no ta den nan edificio original, a splica.
Otro punto importante ta e parti di inversion den digitalisacion, pa scolnan en general pa por ekipa e maestronan, pero tambe e alumnonan mihor, Baly a señala.
