Trabao di limpieza a start na e Hotel paraliza na final di Caya Grandi San Nicolas

ORANJESTAD (AAN): E proyecto di Hotel na final di Caya Grandi na San Nicolas, ta mas di un decada caba paraliza y djis eynan como un skelet. 

Aunke a pone plywood dilanti tur porta y bentana, toch ta mira cu tin biaha algun Adicto Ambulante ta logra penetra e edificio, y haci esey nan lugar di biba.

   E siman aki, DIARIO a tuma nota cu un clean-up crew a yega pa asina haci tur e parti paden di e skelet di Hotel aki limpi.  E personanan aki a indica cu nan a djis haya ordo pa haci e lugar limpi.

  No ta conoci si acaso e accion aki tin algo di haber cu cualkier plan di largo plazo pa haci algo nobo cu e proyecto aki, pa posiblemente finaliz’e completo.  Pero hecho ta cu tin movimento y esey semper ta un bon señal.