Trabao di decoracion di Luznan di Pasco a cuminza na San Nicolas

ORANJESTAD (AAN); Por a tuma nota cu awor e personal di DOW ta trahando fuerte pa instala e decoracionnan di Luz di Pasco y demas obhetonan na ciudad di San Nicolas.

   Ta preparando pa pone Luznan colga den halto, y tambe decor di obhetonan riba areanan habri cu publico tin aceso na dje.

   Mainstreet na San Nicolas pronto lo ta den ambiente festivo.  Personal di DOW ta haci un suplica na automobilistanan cu tin costumber di para nan auto y vehiculonan den Mainstreet, pa ofrece cooperacion pa no stroba e proceso di instalacion.  Nan ta mirando cu stacionamento riba acera y klinkernan ta andando ainda.

   E speransa tey cu nan lo bay para e dianan venidero den e lugarnan destina pa staciona.