Trabao a cuminza riba Proyecto Bushiri Shoreline

ORANJESTAD (AAN): Desde Diamars 26 di Augustus 2025, DOW a cuminza cu proyecto di ‘Bushiri Shoreline Upgrade’.

   E trabaonan lo tuma lugar nae ex-Bushiri Hotel parkeerplaats pa Divi Dutch Village Beach Resort.

   E trabaonan cu ta bay tuma lugar ta reconstruccion di e parkeerplaats di ex Bushiri Hotel y tambe e reconstruccion di fietspad entre e parkeerplaats y Divi Dutch Village Beach Resort.

   E trabaonan relaciona cu e proyecto di Bushiri Shoreline Upgrade, lo tin den total un duracion di 80 dia di trabao.

   DOW ta pidi comprension y cooperacion di comunidad, pa e trabaonan cu mester tuma lugar y ta pidi disculpa pa cualkier inconveniencia cu por surgi.