ORANJESTAD (AAN): E worldtour di e artista Carlos Vives, esta ‘Despues de Todo... VIVES’,
a wordo posponi pa asina salvaguardia salud di publico, artistanan, y team di trabao, debi na e creciente olanan di casonan na monton di Covid-19.
E tan spera Tour di Concierto di Carlos Vives, cu a cuminza na comienzo di December 2021 cu algun concierto grandi sold-out na Miami y Orlando, lo mester a start bek dia 13 di Januari 2022 na Seattle.
Awor e fechanan di e Tour lo wordo reprograma pa lunanan di September y October 2022.
“A tuma e decision dificil aki na un forma prudente pa sigura e bienestar y salud di tur comunidad,” segun Nelson Albareda a bisa, kende ta CEO y Fundador di e compania Loud and Live.
Nan ta gradici e comprension di publico, y ta lamenta e inconveniencianan cu esaki lo por a causa na esnan cu ya tin nan ticket. Nan lo bay duna e fechanan nobo den dianan venidero, y e ticketnan cu a wordo cumpra lo sigui di ta valido.
E Colombiano Carlos Vives kende a gana Grammy dos biaha, y tambe 15 biaha ganador di Latin Grammy, ta un di e figuranan mas importante di musica latino y a crea un sonido nobo cu e musica tradicional na costa Caribense di Colombia.
