Total di 24 Generator Containers ya ta rumbo pa Aruba

ORANJESTAD (AAN): Manera cu DIARIO a anuncia caba, despues cu WEB Aruba y

e compania hulandes Bredenoord na luna di Mei cu a pasa a firma pa un planta temporal di 20 MegaWatt di energia e proyecto ta den pleno ehecucion

    Entretanto a mobilisa e containernan di e planta ‘mobile’ (generator den container) for di Apeldoorn (Hulanda) y nan ta rumbo pa Aruba.

   DIARIO a nota cu na Aruba, nan ta preparando e tereno y e infrastructura pa por instala nan pabou di planta RECIP Phase IV. E proyecto ta encera un planta ‘mobile’ cual lo sirbi pa por cumpli cu aumento creciente di demanda pa coriente, pero tambe como back up na momento cu motornan RECIP mester haya nan mantencion obligatorio, of ora e suministro di energia di biento of solo cay diripiente.

   E planta ta encera un total di 24 container di 20 pia cu ta contene generadornan di 850 KW. E planta 'mobile' lo ta den operacion na Aruba pa un periodo di 2 aña.