SANTO DOMINGO: Autoridadnan nacional Anti-Droga di Departamento DNCD, a logra confisca un total di 223 paki di cocaina den e Waf di Carga na Caucedo.
Oficialnan Anti-Droga tabata haciendo un control, hunto cu Ministerio Publico y tambe cuerpo di seguridad militar, durante oranan di anochi y marduga e siman aki. Nan a enfoca riba cantidad di Container di carga cu ta cla pa wordo exporta.
Asina a bin detecta substancianan raro den uno di nan, y mesora a dicidi pa habri esaki pa haci un control mas riguroso.
Un Fiscal Auxiliar a yega pa asina bao di su supervision por a habri e Container, y den dje a bin haya nuebe saco grandi color preto, y den nan a haya tur e pakinan di cocaina, lora den masking tape.
Algun ora prome cu esaki a socede, autoridadnan a intercepta un Truck cu un safe, y esaki a motiva e oficialnan pa amplia nan inspeccion riba e Waf. Nan a cuminza controla principalmente e Containernan cu tabata prepara pa sali rumbo pa Europa.
Autoridadnan a cuminza cu e proceso pa localiza e chauffeur cu a trece e Container aki na Waf.
E documentonan di e Container ta indica cu e ta contene carton comprimi, y ta wordo manda pa Belgica.
