SAN JUAN: Un boto cu tabata transporta como 207 imigrante, di cual mayoria ta Haitiano, a wordo debolbi Diabierna pa Cape Haitien,
despues cu nan a wordo intercepta na 32 kilometer zuid di e islanan di Turks & Caicos.
Coast Guard di Turks & Caicos a gradici US Coast Guard cu a duna nan sosten pa yuda e personanan indocumenta aki regresa nan pais, ora cu a bin ripara cu e boto ta demasiado sobrecarga.
E funcionario, Commandante Anne O’Connelll di US Coast Guard, ta suplica famianan di e Haitianonan na Merca, pa pidi nan sernan keri pa no bay riesga nan bida riba e viahe peligroso aki.
El a bisa cu e viahenan aki ta extremadamente peligroso y hopi biaha ta usa botonan hopi bieu cu ta wordo yena demasiado, y pa colmo no tin cuminda abordo, ni suficiente awa, y equipo basico di seguridad.
Guardcosta mester a manda un boto chikito cu yen di Jacket di Salbabida pa duna e Haitianonan indocumenta, por si acaso e boto debil aki sink.
Desde 1 di October 2021, US Coast Guard a intercepta 4.449 Haitiano indocumenta, compara cu 1.527 Haitiano den e aña anterior.
Den otro informe, e boto cu a sink y causa hopi morto riba lama banda pabao di Puerto Rico riba Diahuebs, tabata consisti mayoria di nan Haitianonan indocumenta.
