Hefe di GKMB, Luis Chong:
ORANJESTAD (AAN) – Hefe di Gele Koorts Muskieten Bestrijding (GKMB), Luis Chong, ta lanza un voz di alerta na e ciudadanonan cu ta biahando pa Colombia den e siguiente tempo di vacacion, of cu ta bay Venezuela, Centro America, y Caribe, unda tin 'outbreak' of epidemia di dengue.
Aruba tin hopi tempo sin conoce “outbreak” pero nos ta vulnerable na e cantidad di sangura cu tin rond y mester tin limpi tur area di nos cas y rond di dje, di awa unda por forma criadero di sangura.
“Mi kier añadi na esaki cu den e area di Latino America y den Caribe tin 'outbreak' grandi di dengue. Hopi tempo nos no tin outbreak of epidemia di dengue na Aruba, pero nos ta vulnerable cu tur e sanguranan cu nos tin rond di nos cas. Hopi hende aworaki ta bayendo cu vacacion na Colombia y nos sa cu den hopi areanan di Colombia tin hopi caso di dengue, no solamente Colombia pero Venezuela, Panama, Guatemala, y si cualkier turista of bishitante cu bin bek, bin cu un caso di dengue e por plama hopi lihe pasobra nos ta vulnerable cu tur e sanguranan cu tin.
Pues, un yamada na tur hende pa proteha bo mes, proteha nos comunidad y haci limpi rond di cas door di elimina awa cu por bira criadero.
