Frans Ponson di Comerciantenan Uni Aruba:
ORANJESTAD (AAN): Frans Ponson di Comerciantenan Uni Aruba (CUA) a elabora riba e ultimo desaroyonan pa loke ta comercio na Aruba.
El a splica cu pa loke ta prijsnan, por ehempel, pa e comerciantenan, si e prijsnan ta fluctua, e ta fluctua cu ne. Nan tabata tin prijsnan cu a duplifica y a bin bek normal. Tin prijsnan cu a subi y ta baha.
El a bisa cu e no por papia pa tur sector pero mayoria sector si un no baha e prijs y otro baha e prijs, "abo no ta bay bende".
Ponson a sigui bisa cu manera e prijs baha. por ehempel, e prijs di container na China a bay na un prijs absurdo di $20 mil dollar y aworaki ta bahando yegando na casi $10 mil dollar, pero e tabata hopi menos.
Prijs di e productonan cu ta bin di eynan, e retailnan tambe ta bahando. "Si un comerciante dicidi cu e ta bay tene prijs halto, ami ta bay coy mi prijs bah'e, anto e ora ey e no ta bay bende", a splica.
Esaki ta un mal percepcion di keda mantene e prijsnan halto. E comerciante cu tin e mentalidad ey, pueblo mester ta na altura di wak bon unda e ta cumpra. Pero un comerciante cu ta haci esey, e no ta kere cu e ta bay bende facil, a remarca.
Prijsnan a subi rond mundo, pero si e prijsnan baha mester baha prijs regionalmente pasobra no por mantene prijsnan halto pa pret, pasobra esaki por trece como consecuencia cu lo mester bay cera e negoshi, Frans Ponson a señala.
