Trahado Social di FCVR ta revela:
ORANJESTAD (AAN): Rish-Ann Ammerlaan, Trahador Social di Fundacion Contra Violencia Relacional (FCVR) a revela cu tin hopi caso di violencia na Aruba, pero nan ta prefera di bay riba social media cu busca ayudo.
El a bisa cu na e fundacion nan no a wak un aumento di cifra drastico compara cu e añanan anterior como cu tabata temporada di carnaval, pero si nan sa cu e casonan ta aumentando. E hendenan ta papia mas riba e tema riba 'social media' y no tin yudansa riba 'social media'.
Segun Ammerlaan, e casonan a keda similar. FCVR ta bezig si cu hopi cambio den structura. Ta biniendo c'un plan strategico y pa cu esaki lo mester sosten di gobierno.
El a agrega cu e fundacion ta preocupa cu e casonan, mirando cu nan no ta yega cerca nan. Nan ta un fundacion cu ta traha a base di ayudo boluntario. E persona mester por yega na e fundacion pa por ricibi ayudo. No por acerca e cliente zomaar.
Nan ta haya yamadanan si di famianan indicando cu nan tin sospecho di un persona ayega pasando den un situacion, hendenan cu tin durf di busca ayudo, a bisa.
Violencia ainda ta un tema tabu. Tin hende cu no tin durf di papia di dje cu esaki tin di haber cu hopi factor.
FCVR tin un bon relacion cu entre otro Polis. Esey tambe ta algo cu nan ta bezig den nan plan strategico pa crea un relacion cu nan mas basa riba protocol, palabracionnan specifico pa asina por yega na otro.
