Michella Steenvoorde-Lacle:
- Plan di Mayor Aruba a bay analisa 3 aña di casonan den Corte
- E ta relata na muchanan cu a pasa den un divorcio
ORANJESTAD (AAN): E necesidad di Ley Plan di Mayor cu ta un ley cu despues di analysa estudionan internacional, y comparanan cu nos datonan local, a resulta di ta un necesidad grandi pa Aruba. Estudionan internacional y multicultural ta demostra cu e co-relacion entre separacion y efectonan a corto plazo y largo plazo riba e mucha su salud mental y fisico ta un impacto riba su bida social.
E efectividad di e intervencionnan ofreci na mayornan y yiunan cu ta atraveza e dificil temporada di separacion brinda na Plan di Mayor, ta basa riba evidencia cientifico riba tarima internacional. Pa por adapta y diseña e intervencionnan na nos cultura y situacionnan local ta rekeri pa nos por profundisa muchu mas nos cultura y situacion local.
Desde aña 2020 Plan di Mayor conhuntamente cu Centraal Bureau Statestiek Aruba a bin ta analysa e cifranan di divorcio en coneccion cu nos muchanan. E aña aki lo tuma lugar dos estudio importante pa asina por monitor e efectividad di e ley Plan di Mayor y e intervencionnan proponi.
Den colaboracion cu CBS Aruba, Universidad di Utrecht, Universidad di Aruba y Corte di Prome Instancia lo analisa tur e casonan di divorcio entre e añanan 2020 y 2022 na unda ta encera muchanan menor di edad. Datonan manera edad di e muchanan y tambe si e muchanan a worde scucha ta importante pa ser registra. Asina lo por analisa con e situacion tabata prome cu e introduccion di e ley.
Ta premira cu e introduccion di Ley di Plan di Mayor dia 1 di Maart 2024 lo stimula un crecemento den e grupo di mayornan cu ta practica co-ouderschap, y lo trece cune mas concientisacion riba tur e elementonan cu e mayornan tin cu tene na cuenta den Crianza di nan yiunan. Alavez lo stimula mas participacion den Crianza di e muchanan entre e mayornan cu a abandona e hogar. Al fin y al cabo, mayor, bo ta pa semper.
