Dialuna a raporta 1 caso nobo - ORANJESTAD (AAN): Crisis Team y Departamento di Salud a raporta cu segun resumen 3 persona a recupera, mientras cu a registra total 1 caso nobo di Covid-19, y ta trata di un residente.
E cantidad total di testnan ehecuta diadomingo na e diferente localidadnan na Aruba, entre otro laboratorio di hospital, laboratorionan priva y aeropuerto ta 365 test.
'Positivity rate' entre residentenan ta 13%.
Casonan activo ta 28 (21 residente). E cantidad di fayecido relaciona cu Covid-19 ta 107.
