ORANJESTAD –(AAN): A partir di maart 2025, Tienda di Ley, den colaboracion cu CEDE ARUBA via BARiO UNiCO, lo organisa tres sesion di informacion riba e ley di herencia.
E sesionnan ta destina pa esnan cu kier haya mas claridad riba e topico aki y lo tuma luga na diferente Centro di Bario:
Diasabra 15 maart – 9:00 - 11:00 AM – Centro di Bario Noord
Diasabra 26 april – 6:00 - 8:00 PM – Centro di Bario Santa Cruz
Diasabra 10 mei – 2:00 - 4:00 PM – Centro di Bario Savaneta
Kico ta Tienda di Ley? E Tienda di Ley ta un institucion cu ta yuda personanan cu tin pregunta of problema legal pero cu no tin recurso suficiente pa paga un experto legal. E ayudo ta consisti di conseho skirbi of asistencia cu formulario legal. Tienda di Ley por duna conseho riba varios topiconan legal, incluyendo labor, huur, daño, contractnan, areglonan di pago, divorcio, imigracion y mas.
`Si e pregunta of problema ta demasiado complica pa Tienda di Ley, e persona lo haya un indicacion pa cuadra cu un otro instancia cu por yuda. Importante di nota cu e Tienda di Ley ta duna conseho solamente y no ta representa persona den procedura legal.
`No mester cita pa e sessionnan; Pa e sesionnan di informacion, no ta necesario pa tene un cita. Durante e sesion, dos studiante di e Facultad di Ley di e Universidad di Aruba, cu ta traha como vrijwilligers na Tienda di Ley, lo duna informacion den forma di un presentacion.
Despues di e presentacion, lo tin un sesion di Q&A unda e publico por pone pregunta riba e topico trata. Ta importante pa menciona cu Tienda di Ley no por trata caso personal durante e Q&A pa por mantene privacidad y por haci investigacion necesario pa duna un conseho legal.
Kico por haci si tin un pregunta personal? Si un persona tin un pregunta personal y specifico, mester traha un cita cu Tienda di Ley. Esaki por haci via: Email na This email address is being protected from spambots. You need JavaScript enabled to view it. pa ricibi e formulario digital.
Recepcion di Universidad di Aruba (durante e siman di trabou entre 8 AM - 12 PM / 2 PM - 4 PM) pa busca, completa y entrega e formulario
Tienda di Ley no tin un number di telefon, pero despues di ricibi e formulario, nan lo contacta e persona pa informa si e Tienda di Ley por yuda cu e problema of pregunta. No ta posibel ricibi consulta sin un cita den e Universidad di Aruba.
