ORANJESTAD (AAN): Tienda Di Ley ta habri su portanan back pa duna conseho huridico pa esnan cu mester di uno.
Bo tin un problema huridico y bo no sa kico pa haci? Studiantenan di derecho ku ta traha na Tienda di Ley por, bou di supervision profesional, yuda bo ku esaki.
Por fabor registra bo caso via e formulario di registracion door di click riba e website aki:
Di e forma ey, Tienda di Ley lo procesa bo caso, y lo bo ricibi un yamada pa verifica si nos por trata bo caso y regla un cita.
Nan lo duna consulta riba dianan 2, 16, y 30 November for di 9:00 am te cu 11:00 am.
Tambe tin consulta riba 21 December di 9:00 am te cu 11:00 am. Finalmente tin consulta dia 11 di Januari 2025 for di 9:00 am te cu 11:00 am.
Corda cu Tienda di Ley ta ofrece conseho huridico na personanan menos privilegia biba na Aruba.
