ORANJESTAD (AAN): Riba Diaranson dia 1 di juli, Sr. Thomas G.W.A. Domhoff a cuminsa oficialmente den su funcion como Presidente di Banco Central di Aruba (BCA).
Durante e prome dia a tene reunionnan cu ehecutivonan di BCA y tambe un encuentro ameno cu empleadonan. Dia 25 di juni ultimo, Gobernador Alfonso Boekhoudt, a huramenta Sr. Domhoff como Presidente di BCA na Cas Ceremonial di Gobernador.
BCA ta gradici Señora Miriam Gonzalez, kende como Presidente Interino a garantisa continuidad di liderazgo durante e periodo di transicion.
Bao di liderazgo di Sr. Domhoff, BCA lo sigui eherce su tareanan principial: mantene e stabilidad di Aruba su Florin, promove e solidez y integridad di e sistema financiero di Aruba y yuda mantene un sistema di pago eficiente y confiabel.
