ORANJESTAD (AAN): Tabata Diaranson madruga pa 3:21 am, cu un temblor a keda registra riba Lama Grandi na un bon distancia for di Aruba.
E epicentro a wordo localiza na 13,70º Nort y 70,85º West, cu ta como 145 kilometer Noord-Noordwest di Faro di California na Aruba. Esey ta igual cu 131 km panort di Monkey Islands.
Su magnitud a keda registra na 2.9º riba Scala di Richter, y e centro tabata na un profundidad di 5 kilometer.
Na Aruba, oficialmente ningun registro a drenta di hende cu a sinti esaki, of a sufri di daño. Esey ta di compronde como cu e magnitud ta uno cu hende por sinti, pero no ta causa daño.
