ORANJESTAD (AAN): Diabierna marduga un temblor leve a wordo registra riba lama Zuidwest di Aruba.
Sismogram di Servicio Geologico Colombiano a detecta esaki pa 2:49 pm, y e temblor aki tabatin un magnitud leve di 2.8º riba Scala di Richter.
Su epicentro a wordo localiza na 11.86º Nort y 70.50º West. E ta net pabao di Peninsula di Paraguana na Venezuela. Esaki ta igual cu 88 km Zuidwest for di Balashi (Aruba). E ta igual cu 38 km Noordwest di Punto Fijo (estado Falcon) na Venezuela.
E epicentro tabata na un profundidad di 65 km bao di fondo di lama. Ningun informe di daño a drenta ni na Aruba, y tampoco na Venezuela.
