PHILIPSBURG: Tabata Diasabra merdia pa 12:45 pm, cu un temblor basta fuerte a wordo sinti na St. Maarten.
Hendenan a bisa cu nan tur a sinti un sonido fuerte, prome cu a nota cu piso ta tembla.
E temblor tabatin un magnitud di 4.4º riba Scala di Richter, pues uno cu ta wordo considera di ‘tamaño intermedio’ sinti basta duro na Islanan Ariba.
E epicentro a wordo localiza na 18.340º Nort y 62.974º West. Esaki ta como 40 km panort di St. Maarten. E ta igual cu 88 km Noord-Noordwest di Saba, y igual cu 96 km panort di St. Eustatius. E epicentro tabata na un profundidad di solamente 33 kilometer.
Tin indicacion cu el a wordo sinti tambe na Anguilla, St. Barths, St. Kitts & Nevis, Antigua & Barbuda, y Montserrat.
