Team di WEB a bay educa muchanan con pa spaar awa na cas

ORANJESTAD (AAN): E aña aki, en conexion cu Dia Mundial di Awa, WEB Aruba a bishita klasnan 6 di scolnan basico y e klasnan halto den centronan di Traimerdia pa splica e importancia di awa di bebe limpi.

   Cu hopi interes y entusiasmo e muchanan a participa na e presentacion y nan a haci preguntanan hopi bon. Na final, tur mucha a yena un certificado di compromiso cu cual nan a primiti pa purba spaar awa na cas. En total, casi 800 mucha entre 10 y 12 aña a participa! Nos ta hopi agradecido na e maestronan di e scolnan y lidernan di e centronan di Traimerdia pa nan cooperacion.

   Nan a bishita e.o. Cacique Macuarima School, Sint Michaël School, Pius X School Aruba, Colegio San Hose Aruba, St. Rosa College, St. Paulus School, St. Anna School, Graf Von Zinzendorf Basisschool, Scol Primario Kudawecha, Colegio Felipe B Tromp, Colegio Pastoor Kranwinkel, Scol Soeur Juliette, Schakel College, St. Aloysius School, Colegio Santa Famia, Colegio Ora Ubao, Colegio Conrado Coronel, Colegio Sagrado Curason, Centro Traimerdia Kudawecha, Centro Traimerdia Sonrisa, Centro Traimerdia San Nicolas, Centro Traimerdia Traimerdia Oranjestad, Centro Traimerdia Trai Merdia Morgenster y Centro Traimerdia O'stad , y tambe Colegio Reina Beatrix.

   Tambe na e team di trahadornan di WEB Aruba NV cu a haci e presentacionnan, e compania ta manda bisa danki.