Departamento di Enseñansa:
*107 studiante di 184, a haya un Arubalening pa Hulanda
ORANJESTAD (AAN): E aña aki Minister di Enseñansa, mr. Gerlien Croes, a otorga te cu 4 augustus 2025, 184 financiamento pa estudio (Arubalening) na personanan cu ta bay sigui un estudio avansa na Hulanda entrante 1 september.
Seccion Studiefaciliteiten di Departamento di Enseñansa Aruba (DEA) ta informa cu despues di un periodo largo di preparacion, finalmente dia 4 di augustus 2025, 107 studiante di e 184, cu a haya un Arubalening pa Hulanda, lo subi e vuelo di KLM 767 pa sigui nan estudio na Hulanda.
No ta papia mas di beursalen, pasobra e studiantenan aki no ta haya un beurs manera antes, pero ta haci un fiansa, na 0% di interes, cu nan mester paga bek asina cu nan caba nan estudio. E otro 77 studiante di e 184 cu Arubalening sea a biaha pa Hulanda caba, of ta biahando den e dianan venidero.
Ciudadnan mas popular
E ciudad cu mas studiante a scoge pa bay biba e aña aki ta Den Haag, un total di 39 studiante. 23 studiante a scohe pa bay biba na Eindhoven, sigui pa Utrecht caminda tin 22 studiante ta bay biba pa sigui nan estudio. Esakinan ta e tres ciudadnan mas popular e aña aki.
E particion pa ciudad na Hulanda ta lo siguiente, esaki ta ciudadnan unda e studiantenan cu Arubalening ta bay biba. No ta tur studiante ta bay biba na e mesun ciudad cu nan ta bay studia. (WAK GRAFICO).
