PHILIPSBURG: Keto bay hopi di e medidanan pa yuda mitiga e brote di Coronavirus ta valido na e isla di St. Maarten.
Pero riba Diahuebs, Ministro di Salud Publico, Omar Ottley a duna indicacion cu aki dos siman, esta Diamars 15 di Maart 2022 lo bay flexibiliza e reglamento pa cu tapaboca na e isla.
El a bisa cu St. Maarten a registra 1% di Infection Rate compara cu e siman prome, y esey ta hopi abao. Esaki pues ta pone St. Maarten awor tambe den categoria di riesgo-abao. Pesey el a tuma e decision pa flexibiliza e obligacion di tapaboca for di Codigo Cora pa Codigo Berde.
Ademas di e regla di tapaboca, e lo bay elimina e horario maximo di ciere di 3:00 am tambe pa e lugarnan nocturno. Pero ta keda sugeri tur hende pa keda di ta cauteloso y isola mesora si acaso bo sinti sintomanan estilo griep, of si bo test positivo pa Covid-19.
El a bisa cu esaki ta un otro paso pa e strategia di bay bek na normalidad. Pero el a bisa cu negoshinan keto bay lo keda mantene derecho si nan kier exigi tapaboca pa drenta nan propiedad of no. Pero Gobierno no ta bay haci esey un obligacion mas, pero mas bien un sugerencia.
