Despues di 45 aña di trayectoria ehemplar: --- ORANJESTAD (AAN) -- Placido Lindoro Maduro, ta un persona di Aruba,
cu a sirbi nos turistanan durante hopi aña, cu e servicio di hiba y trece y semper cu e carisma cu arubianonan ta bon conoci pe.
Placido, conoci tambe como "Chicho", ya ta prepara pa retira di e bida di taxista, cual el a eherce pa 45 aña largo, cu su Taxi number 29.
Lindoro ta bay haci su ultimo recoridonan na December 2021 y despues lo bay pasa su behez na Spaña.
Lindoro ta un di e taxistanan cu a cuminsa cu e bunita labor, tempo cu e taxistanan di Aruba, tabata bay les pa sa con ta trata nos turistanan, y tempo cu e taxista tabata presenta na trabou cu dashi, caminsa bunita strika, cu su manga largo y sin por a laga afor, e mancor, e respet y carisma pa su clientenan.
Diario ta desea Lindoro un feliz temporada di descanso y danki pa e tabata un Taxista ehemplar durante tur e añanan cu a transcuri.
