Tatata Pablo tabata Timekeeper y Bellman di Boxeo

ORANJESTAD (AAN):  Aruba Boxing Commission ta convivi e momentonan di tristeza cu fayecimento di nan ex Timekeeper y ex Bellman, sr. Gustavo Pablo mihor conoci como Tatata Pablo.

Tatata tabata un amante di Boxeo Profesional cu a dedica hopi aña como ring-official den e famia di Aruba Boxing Commission.

            For di añanan ’70, Tatata a drenta como ring-official den e organizacion y semper tabata disponibel y dispuesto pa cumpli cu su debernan.

            Cualkier curso of seminario cu tabata ser ofreci pa superacion den e ramo di ring-official Tatata tabata asisti.

            Por recorda cu hopi interes, Tatata Pablo a participa den e seminarionan ofreci pa e legendario Joe Cortez y tambe pa Benjy Esteves duna na 2012 y na 2013 respectivamente.

            Aruba Boxing Commission lo recorda Tatata como un oficial di ring cu semper tabata dispuesto pa colabora y cu a ehece su tareanan debidamente.

            Finalmente Aruba Boxing Commission y den nomber di henter e team di ring-officials, ta manda palabranan di profundo condolencia na famianan di Tatata y cu su restonan sosega nan paz.